योजना अधिकृत यादबले गल्ती स्विकारेपछि स्विपरको आन्दोलन स्थगित

राजबिराज । राजबिराज नगरपालिकाका योजना अधिकृत मनोज यादब सहित ३ जनाले गल्ती स्विकारेपछि स्विपरको आन्दोलन स्थगित भएको छ ।

योजना अधिकृत यादब सहित गजेन्द्र यादब, र सुधिर यादबले आइतबार साझ जिल्ला प्रहरी कार्यालयमा उपस्थित भई प्रहरीको रोहबरमा गल्ती स्विकार्दै आउने दिनमा यस्तो गल्ती नहुने लिखित प्रतिबद्धता जनाएपछि आन्दोलन स्थगित भएको हो ।

गत ५ दिन देखि आन्दोलित स्विपरहरू  योजना अधिकृत सहित ३ जना कार्यवाहीको माग गर्दै नगरपालिका अगाडि नै धर्ना बस्दै आएको थियो ।

धर्नामा बसेका सरसफाइ कर्मिले ५ दिन देखी जारी रहेको आन्दोलन स्थगित गरेपछि सरसफाईकर्मपले नगरको फोहोर उठाउन थालको हो । यस अगाडि नगरपालिकाले प्रहरीमा दिएको उजुरी फिर्ता लिएको छ । राजबिराज नगरपालिकाको स्विपरहरू को आन्दोलन कारण ५ दिन देखि सरसफाइको काम ठप्प पारेका थिए ।

सरसफाइ कर्मीहरू ले तलब माग गर्न जाँदा राजबिराज नगरपालिकाका योजना अधिकृत मनोज यादबले अश्लिल गाली गलौज गरेको भन्दै उनीहरू नगरको सरसफाइको काम पूर्णरूपमा ठप्प थियो ।

अधिकृत यादबले सार्वजनिक रूपमा माफी माग्नू पर्ने र उनको फाट समेत परिवर्त नगर्नुपर्ने स्विपरहरूले माग राख्दै सरसफाइको सामग्री सहित नगरपालिका अगाडि धर्नामा बसेका थिए ।

गत बुधवार राजबिराज नगरपालिका कावा नगरप्रमुख ईसरत परविन सँग गत बर्ष असारको १६ दिन काम गरेको तलब माग गर्न जाँदा अधिकृत यादब सहितले गाली गलौज गरेका थिए ।