चन्दन यादब 
राजविराज । राजविराज नगरपालिका–२ बसपार्क नजिक प्रदेश सरकारको सहयोगमा निर्माण गरिएको शारिरिक व्यायामशाला र कबर्ड हल अझै सर्वसाधारणका लागि खुला गरिएको छैन ।
लाखौँको लगानीमा बनेको सुविधा भवनमा पहुँच नभएका व्यक्तिहरूका लागि अझै ताल्चा लगाइएको छ, तर ‘आफ्नो पहुँच’ भएका केहीले भने दैनिक अभ्यास गर्ने विशेषाधिकार पाएका छन् ।
स्थानीय युवाहरुको स्वास्थ्य तथा खेलकुद विकासका उद्देश्यले बनेको भनिएको भवनमा आम नागरिकलाई प्रवेश नदिइनु भन्दै स्थानीयवासी आक्रोशित छन् । उनीहरूले सबैका लागि सहज पहुँच दिन माग गरे पनि सम्बन्धित निकायले ध्यान दिएको छैन ।
जनताको करबाट बनेको सार्वजनिक सम्पत्ति सर्वसाधारणको लागि खुला न राख्नु जनताप्रति ठाडो अपमान भएको स्थानीयको आरोप छ । यस विषयमा नगरपालिका र जिम्मेवार निकायले तत्काल सर्वसाधारणलाई सुविधा उपलब्ध गराउनुपर्ने स्थानीयको आग्रह छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |