चन्दन यादब 
राजविराज । जनता समाजवादी पार्टी (जसपा) नेपालले आफ्ना अध्यक्ष उपेन्द्र यादवलाई गौर हत्या काण्डमा फसाउन खोजिएको भन्दै विरोध प्रदर्शन गरेको छ ।
सोमबार साँझ जसपा नेपाल सप्तरीले राजविराजस्थित गजेन्द्र चौकमा टायर बालेर सरकारको विरोधमा प्रदर्शन गरेको हो । प्रदर्शनका क्रममा नाराबाजी गर्दै कार्यकर्ताहरूले अदालतको आदेशलाई गलत नियतले प्रयोग गरी यादवलाई राजनीतिक रुपमा कमजोर बनाउन खोजिएको आरोप लगाए ।
नेता–कार्यकर्ताले गौर हत्या काण्डको नाममा अध्यक्ष यादवविरुद्ध अनुसन्धान अघि बढाउने निर्णय निष्पक्ष नभएको दाबी गर्दै, यसलाई तत्काल खारेज गर्न माग गरेका छन् ।
सोमबार मात्र सर्वोच्च अदालतका न्यायाधीश तिलप्रसाद श्रेष्ठ र नित्यानन्द पाण्डेयको संयुक्त इजलासले गौर हत्या काण्डमा छानबिन अघि बढाउन आदेश दिएको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |