जसपाको आन्दोलनमा प्रहरी हस्तक्षेप, दर्जनौँ पक्राउ

काठमाडौं । गौर हत्याकाण्डको छानबिन गर्न सर्वोच्च अदालतले जारी गरेको परमादेशविरुद्ध जनता समाजवादी पार्टी नेपाल (जसपा)ले गरेको प्रदर्शनमा प्रहरीले हस्तक्षेप गर्दै सांसदसहित एक दर्जनभन्दा बढी नेता–कार्यकर्ता नियन्त्रणमा लिएको छ।

मंगलबार राजधानीमा निकालेको मसाल जुलुसमा सहभागी भएकामध्ये जसपाका केन्द्रीय प्रवक्ता तथा मधेश प्रदेशका सांसद मनिष सुमन, सांसद किरण साह र लुम्बिनी प्रदेशकी सांसद अम्बिका दाहाललाई प्रहरीले पक्राउ गरेको हो।

यस्तै, केन्द्रीय सदस्य डा. बबी सिंह, रेणुराज सिंह, विक्की यादव,  शशिकपुर मियाँसहित १८ जना कार्यकर्ता समेत पक्राउ परेका जसपाका केन्द्रीय सचिवालयले जानकारी दिए ।

जसपाले सर्वोच्चको आदेशलाई राजनीतिक उद्देश्यप्रेरित भन्दै विरोध कार्यक्रमलाई अझ तीव्र बनाउने चेतावनी दिएको छ ।