चन्दन यादब 
राजविराज । राजबिराज नगरपालिका को मुख्य सडक अवरोध गरेर पसल संचालन गर्दै आएकाहरूको पसल नगरपालिकाले नियन्त्रणमा लिएको छ ।
राजविराजमा जताततै सडक पेटी अतिक्रमण गरेर पसल थाप्ने चलन बढ्दै गएको अवस्थामा नगरपालिकाले अतिक्रमण हटाउने क्रममा ६ वटा ठेलामा पसल संचालन गर्दै आएकोले नियन्त्रण लिएको छ । नियन्त्रणमा लिएको ढेला नगरपालिकामा राखिएको नगरपालिकाले जनाएको छ ।
सोमवार राजबिराज नगरपालिकाको टोलीले अदालत रोड स्थित उच्च अदालत जनकपुर राजविराज इजलासदेखि राम मन्दिरसम्मको करिब पाँच सय मिटर बाटोमा सडक पेटी र सडक नै छेकेर फुटफाट पसल थाप्नुले आवतजावतमा बाधा पुगे पछि नगरपालिकाले एक्सन मा आएको छ ।
राजबिराज नगरपालिकाले सडक अतिक्रमण गरि मुख्य सडकमै पसल संचालन गर्नेहरूलाई बारम्बार सूचना गरेपनि अटेर गरेपछि ठेलामा पसल संचालनहरूको ढेला नियन्त्रणमा लिएको नगरपालिकाका कर्मचारी रामकुमार यादबले जानकारी दिए।
हुलाकी सडक अन्तर्गत निर्माण भएको अदालत रोडमा पैदल यात्री हिँड्नका लागि बनाइएको पेटी कतै खालि देखिँदैन् जसकारण दिनहु सानो तिनो दुर्घटना हुने गरेकोले सडकमा तरकारी, ढेला राखेर संचालन गर्नेहरूलाई खाली गराएको र अटेर गर्नेलाई नियन्त्रणमा लिएको कर्मचारी यादबले बताए ।
मालपोत कार्यालय सप्तरी अगाडि र वरपर जहाँतहाँ सडक पेटीमा होटेलदेखि फुटफाटमा पसल र पार्किङले आवतजावतमा कठिनाइ भएको छ । सडक पेटीमा मात्र नभई झन्डै २५ प्रतिशत जति सडक नै छेकेर व्यापार व्यवसाय गर्न थालिए पनि राजविराज नगरपालिकाले बारम्बार हटाएपनि ब्यापारीहरूले अटेर गर्दै आएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |