गोली प्रहारबाट सप्तरीमा एक वृद्ध घाइते

राजबिराज,  २५  माघ । सप्तरीको हनुमाननगर कंकालिनी नगरपालिका–१३ गोबरगाढा बस्ने ६५ वर्षीय महेन्द्र पासवान गोली प्रहारबाट घाइते भएका छन् ।

बुधवार साँझ साढे ६ बजेतिर भारतीय व्यक्तिको गोली प्रहारबाट पासवान घाइते भएका हुन् । पासमानको घरमै पसेर जाबेद भन्ने व्यक्तिले गोली प्रहार गरेको  र उनको खोजी कार्य भइरहेको सप्तरीका प्रहरी उपरीक्षक नरेन्द्र कार्कीले जानकारी दिए ।