शाखा अधिकृतको प्रथम चरणको परीक्षामा २१ प्रतिशत मात्र उत्तीर्ण

हरेकृष्ण साह, सप्तरी । लोकसेवा आयोगले शाखा अधिकृतको गत चैत्र ४ गते लिएको परीक्षाको नतिजा सार्वजनिक गरेको छ । परीक्षामा सहभागी १३७०६ परीक्षार्थी मध्ये २९५७ जना उत्तीर्ण भएका छन् ।

उत्तरपुस्तिकामा कि उल्लेख नगरेका २२ जनाको  र दस्तखत लगायत अन्य आवश्यक विवरण नभरेको कारण एकजनाको उत्तरपुस्तिका रद्द गरिएको छ ।

लोकसेवा आयोगले आयोगका विभिन्न कार्यालयहरू मार्फत विज्ञापन नं. १६६९६–१६७०२ र २०७८–७९ (खुला समावेशी)  एकीकृत परीक्षा अन्तर्गत राजपत्राङ्कित तृतीय श्रेणी (अप्राविधिक) शाखा अधिकृत वा सो सरह पदको प्रथम चरणको परीक्षा २०७९ चैत्र ४ गते संचालन गरेको थियो ।

प्रथम चरण पास भएका २९०६ जना परीक्षार्थीहरूले शाखा अधिकृतमा सिफारिस हुनका लागि दोस्रो चरणको विषयगत लिखित परीक्षा तथा अन्तिम चरणको सीप परीक्षण , सामुहिक परीक्षण र अन्तर्वार्तामा प्रतिस्पर्धा गर्नुपर्नेछ ।

लोकसेवा आयोगको क्यालेण्डर अनुसार एक वर्ष भन्दा अगाडि नै हुनुपर्ने परीक्षा समावेशी सम्बन्धी अदालतमा परेको मुद्दाको कारण ढिलो हुन गएको हो