संघर्ष समितिले बलजफ्ती तालाबन्दी गरेर सर्वसाधारण जनतालाई दुःख दिएको: वडा अध्यक्ष

राजविराज । विष्णुपुर गाउँपालिका वडा नं ६ का वडा अध्यक्ष परमान्नद यादवले २४ घण्टा समेत समय नदिई संघर्ष समितिले तालाबन्दी गरेर कामकाज प्रभावित गरी बलजफ्ती गरेकाे अाराेप लगाएका छन।

नेपाल पत्रकार महासंघ सप्तरीमा बुधबार पत्रकार सम्मेलनको आयोजना गरि अध्यक्ष यादवले आरोप लगाएका हुन् ।

१.२०७९/२०८० आर्थिक आय व्यय,२. प्रधानमन्त्री सोरोजगार कार्यक्रम,कर्मचारी भर्ना प्रकृया,पोखरी ठेक्का पट्टा,स‍ोलार वत्ती जडान कार्यक्रम तथा उपभोक्ता समिति गठन प्रकृया ६ बुँदे माँग राखि संघर्ष समितिले बलजफ्ती ताला लगाएको बताए ।

उनले भने,´ संघर्ष समितिले मागेको ९० प्रतीशत कागजातहरू गाउँपालिकामा रहेको र गाउँपालिकाको अध्यक्ष र लेखापालसंगै निलम्बन भएदेखि कार्यलयको लेखामा ताला लागेकोले गाउँपालिकासंग समन्वय गरि कागज बुझाउने आश्वासन दिएपनि नमानेर आफू बाहिर रहेको मौका छोपी मैले दिएको कार्यवाहक रिता सदालाई जवरजस्ती कार्याालयबाट निकालि ताला बन्दी गरेको हो ।

कार्तिक १२ गते संघर्स समिति गठन गर्यो । सोही दिन मैले आश्वासन दिए । तर संघर्ष समितिले बलजफ्ती तालाबन्दी गरेर सर्वसाधारण जनतालाई दुःख दिएकोले कार्यालयको तालाबन्दी खोल्न पहल गर्न हरेक पक्षसँग आग्रर गरे ।

संघर्ष समितिको संजोक राजेश कुमार रायले हुदै न भएको अनावश्यक आरोप लगाएर केही स्थानीयलाई उक्साएर
धर्नामा बसेको अध्यक्ष यादवको आरोप लगाए ।

उनले भने,विभिन्न माध्यमले पटक पटक वार्ताका लागि प्रयास गर्दा वार्ताका लागि बस्न तयार भएन् ।
जसपामा आवद्ध रहेको राय गत चुनावमा वडा अध्यक्षको
प्रत्यासी उम्मेदवार हुन् ।
गाउँपालिका अध्यक्ष यादव निलम्बित भएपछि निलम्बन हुनुको जिम्मेवार वडा अध्यक्ष यादवलाई देखाएर स्थानीयलाई उक्साएर तालाबन्दी गर्न लगाएको वडा अध्यक्ष यादवको भनाइ छ ।
अध्यक्ष उमेश यादव संगै लेखापाल पनि निलम्बनमा परेको छ । अहिलेसम्म पनि लेखा शाखाको साँचो न बुझाएकोले समस्या भएको हो ।
सप्तरीका प्रमुख जिल्ला अधिकारी किरण थापाले ताला लागेको विषयमा जानकारी भएपनि त्यो समस्या उनीहरूबाटै पहल हुने बताए ।
वडा कार्यालयमा ९ दिनदेखि निरन्तर तालाबन्दी छ । तालाबन्दी बाट वडाको दैनिक कामकाज प्रभावित हुदा स्थानीय समस्यामा परेका छन् ।