भूषण सिहं 
राजविराज । पूर्व पश्चिम राजमार्ग अन्तर्गत सप्तरीको सुरुङ्गा नगरपालिका -४ स्थित कदमाहामा शनिबार ट्रकको ठक्करबाट मोटरसाइकल चालकको घटनास्थलमै मृत्यु भएको छ ।
जिल्ला प्रहरी कार्यालय सप्तरीका अनुसार ट्रकको ठक्करबाट मृत्यु हुनेमा मोटरसाइकल चालक सुरुङगा नगरपालिका -५ बस्ने ३५ वर्षीय मोह्मद हारुन रहेका छन् ।
पूर्वबाट पश्चिम तर्फ जाँदै गरेको म.प्र.०१-००१ ख ०३६७ नम्बरको ट्रकले विपरीत दिशाबाट आउँदै गरेको अनटेस्ट मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ ।
ट्रक र चालकलाई नियन्त्रणमा लिइ आवश्यक अनुसन्धान अगाडि बढाइएको सप्तरीका प्रहरी प्रवक्ता डिएसपी ढुण्डीराज नेउपानेले जानकारी दिए । दुर्घटना पश्चात् आक्रोशित स्थानीयवासी र आफन्तले केहीबेर पूर्वपश्चिम राजमार्ग अवरुद्ध गरेका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |