बजाजको महा एक्सचेन्ज मेलामा बाइक किन्दा फ्रिज सित्तैमा

राजबिराज, ११  बैशाख । राजबिराजमा बजाजको महा एक्सचेन्ज मेलामा बाइक किन्दा फ्रिज सितैमा पाउने अफर ल्याएको छ ।

राजविराजका लागि बजाज मोटरसाइकलको अधिकृत बिक्रेता ‘खान अटोमोबाइल्स एण्ड इलेक्ट्रोनिक्स प्रा.लिले बजाज महा एक्सचेन्ज मेलामा बाइक किन्दा फ्रिज सितैमा पाउने अफर ल्याएको हाे । बैशाख १० गते देखि १४ गते सम्म चल्ने मेलामा जुनसुकै कम्पनीका जस्तो सुकै अवस्थामा रहेका पुराना मोटरसाइकल एक्सचेन्ज गर्न सकिने भएको छ । 

एक्सचेन्जमा कुनै पनि मोटरसाइकलको प्रचलित बजार मूल्याङ्कन भन्दा १० हजार थप दिने  अटोमोबाइल्सका सञ्चालक कलिम खानले जानकारी दिए । यसैगरी कुनै पनि १२५ सीसी सम्मको मोटरसाइकल खरिदमा स्यामसुङको फ्रिज सित्तैमा दिइनेछ भने मोटरसाइकल खरिद गर्दा आकर्षक उपहार, लेग गार्ड, हेलमेट, सिट्कभर, ब्याग समेत उपलब्ध गराइने सञ्चालक खानले बताए ।

उक्त मेलामा ७ प्रतिशतको ब्याजदरमा फाइनान्सको सुविधामा मोटरसाइकल उपलब्ध गराउने बताईएको छ ।