भूषण सिहं 
राजविराज, २४ बैशाख । सप्तरीको सप्तकोसी नगरपालिका- १ फत्तेपुर चोकस्थित एक होटलमा एक युवक झुण्डिएको अवस्थामा फेला परेका छन् ।
सप्तरीको राजगढ गाउँपालिका- ५ हाल राजविराज नगरपालिका- ६ घर भएका विरेन्द्र साहका छोरा अन्दाजी वर्ष २६ को विवेक साह होटलको कोठा भित्र झुण्डिएको अवस्थामा फेला परेको प्रहरी चौकी फतेपुर सप्तरीले जनाएको छ । ती युवक सप्तकोसी नगरपालिका- १ फतेपुर चौक स्थित रहेको इन्द्रेणी होटल एण्ड लजको कोठा नम्बर १०४ मा शनिबार साँझदेखि बसेको प्रहरीको भनाइ छ ।
होटल सञ्चालक अशोक चौधरीले विहान कोठाहरू चेकजाँच गर्ने क्रममा उक्त नम्बरको कोठा खोल्दा नखोलेकोले झ्याल बाट हेर्दा निज व्यक्तिले सिलिङ पङ्खामा सलको पासो लगाई झुण्डिएर मृत अवस्थामा रहेको थियो, प्रहरीको भनाइ छ ।
घटना बारेमा अनुसन्धान भइरहेको प्रहरीले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |