चर्को गर्मीका कारण २३ गतेसम्म बिदा विद्यालय बन्द

राजबिराज, १८ जेठ । चर्को गर्मीका कारण राजविराज नगरपालिकाले नगरभित्रका विद्यालयमा ५ दिनको बिदा दिएको छ । 

नगरपालिकाको शिक्षा शाखाले बिहीवार एक सूचना जारी गर्दै शुक्रबारदेखि जेठ २३ गते मंगलबारका दिनसम्म बिदा दिएको जनाएको छ । 

विगत केही दिन देखि बढेको अत्यधिक गर्मीका कारण विद्यालयमा हुने पठनपाठन एवम् विद्यार्थीहरूको स्वास्थ्यमा समेत गम्भिर असर पर्न सक्ने देखिएको हुनाले बिदा गरिएको शिक्षा शाखाले जनाएको छ । 

पछिल्लो ४ दिन यता अत्यधिक गर्मीका कारण जनजीवन प्रभावित बनेको छ ।