तोपा प्राथमिक स्वास्थ्य केन्द्रमा प्रयोगशालाको उद्घाटन

राजबिराज । तिलाठी कोइलाडी गाउपालिका वडा नं ८ तोपास्थित प्राथमिक स्वास्थ्य केन्द्रमा स्थापना गरिएको जनस्वास्थ्य प्रयोगशालाको बुधवार उद्घाटन गरिएको छ । 

मधेश प्रदेश सरकारको सहयोग तथा गाउँपालिकाको समन्वयमा स्थापना गरिएको अत्याधुनिक जनस्वास्थ्य प्रयोगशालाको बुधबार एक कार्यक्रम बीच गाउँपालिकाका अध्यक्ष अरुण कुमार मण्डलले उद्घाटन गर्नुभएको हो । 

ल्याब सेवा लिन राजविराज जानुपर्ने बाध्यता रहेको अवस्थामा प्राथमिक स्वास्थ्य केन्द्र तोपामा अत्याधुनिक प्रयोगशाला सञ्चालनले तिलाठी कोइलाडी गाउँपालिका, महादेवा गाउँपालिका, राजविराज नगरपालिकाका केही वडाका बासिन्दाहरू लाभान्वित हुने छन् ।