राजविराज नगरपालिका पूर्व वडा अध्यक्ष अच्युतको निधनमा श्रद्धाञ्जली सभा

राजबिराज, १९ साउन । सप्तरीको राजविराज नगरपालिका साबिक ८ हाल वडा नम्बर ५ का भूतपूर्व वडा अध्यक्ष अच्चुतम पौडेलको निधनमा श्रद्धाञ्जली सभाको आयोजना गरिएको छ ।

शुक्रबार राजबिराज वडा नम्बर ५ को कार्यालयमा श्रद्धाञ्जली सभाको आयोजना गरि वहाँ प्रति श्रद्वासुमन अर्पण गर्दै अन्तिम श्रद्धाञ्जली दिएका छन् ।

उक्त अवसरमा वडा अध्यक्ष बन्धु लाल दास, निवर्तमान वडा अध्यक्ष समीर झा, वडा सदस्य सन्तोष मण्डल, आशा कुमारी तामाङ, त्रिभुवन यादब, परमेश्वरी देवी राम, सप्तरी क्रिकेट सँघका सदस्य संजय कार्की, लगायत स्थानीयवासीहरूको उपस्थिति रहेको थियो ।

 साबिक वडा नम्बर ८ हाल वडा नम्बर ५ का पूर्व वडा अध्यक्ष  अच्युतम प्रसाद पौडेलको निधनको शोकमा एकदिने सार्वजनिक बिदा दिइएको हो ।

 पूर्व वडा अध्यक्ष पौडेलको निधनको शोकमा शुक्रबार सार्वजनिक बिदा दिएको वडा सदस्य आशा कुमारी तामाङले बताइन् ।

 स्वर्गीय पुर्व वडा अध्यक्ष पौडेललाई वडाको तर्फबाट शुक्रबार अन्तिम श्रद्धाञ्जली अर्पण गरि सामाजिक परम्परा अनुसार उनको काठमाडौकोमै अन्त्यष्टी गरिएको वडा सदस्य तामाङले जानकारी दिइन ।