विकास र शान्तिका लागि छात्रा क्रिकेट प्रतियोगिता

राजबिराज । विकास र शान्तिका लागि अन्तराष्ट्रिय खेल दिवसको अवसरमा छात्रा क्रिकेट प्रतियोगिताको आयोजना गरिएको छ । 

साथै छात्रा क्रिकेट खेलाडीको उत्पादन सँगै क्षमता अभिवृद्धिका लागि मैत्रीपूर्ण उत्कृष्ट थ्रि बिच अन्तर बिधालय क्रिकेट प्रतियोगिता सम्पन्न गरेको हो । 

उक्त प्रतियोगितामा उत्कृष्ट फुलकुमारी महतो माबि सिरहा र लिटिल एन्जेल राजबिराज बिच फाइनल खेल भएको थियो । 

फाइनल खेलमा फुलकुमारी माबि बन्दिपुर सिरहाले लिटिल एन्जेल राजबिराजलाई ६ रनले जित हात पार्दै उपाधि उचालेको हो । 

निर्धारित ८ ओभरको खेलमा टस जितेर लिटिलले  फुलकुमारी माबिलाई ब्याटिङ गर्न दिएपछि फुलकुमारीले ४४ रनको योगफल खडा गरेका थिए । 

जवाफमा लिटिल एन्जेल राजबिराजले ८ ओभरको खेलमा ३६ रन मात्र बनाउन सकेपछि फलकुमारी माबिले ६ रनले प्रतियोगिताको उपाधि हात पारेको हो । 

मंगलबार राजबिराज स्थित पवि माबि खेलमैदानमा समानताको लागि क्रिकेट परियोजना अन्तर्गत सबल नेपाल, क्रिकेट फाउन्डेसनको सहयोगमा तथा सप्तरी क्रिकेट संघको समन्वयमा खेलको आयोजना गरिएको हो । 

उक्त प्रतियोगितामा लिटिल एन्जेलस मोडेल स्कुल राजबिराज, भसराज माबि कल्याणपुर, र श्री नेपाल राष्ट्रिय फुलकुमारी महतो माबि बन्दिपुर कर्जन्हा सिरहा बिच ४ चरणमा प्रतियोगिता गरिएको थियो । 

समापन्न कार्यक्रममा सबल नेपालका अध्यक्ष जुना गिरी, सप्तरी क्रिकेट संघका सचिव चन्दनकुमार यादब, फुलकुमारी माबि बन्दिपुरका प्राधानाध्यापक भानुभक्त ढकाल सबल नेपालका परियोजना संयोजक नीर बहादुर आले, लगायतले शिल्ड, कप, मेडल प्रदान गरेका थिए भने कार्यक्रममा प्रशिक्षक धर्मेन्द्र चौधरी, सबल नेपालका कार्यक्रम अधिकृत आशिष गुप्ता ले गरेका थिए ।