सप्तरीमा एक युवकको हत्या, प्रेम सम्बन्धको कारण हत्या भएको हुनसक्ने आशंका

राजविराज । सप्तरीको तिलाठी कोइलाडी गाउँपालिका- ७ मंसापुरमा शुक्रबार बिहान एक युवकको शव फेला परेको छ । शव हनुमाननगर कंकालिनी नगरपालिका -१० ईनर्वा बस्ने २१ वर्षीय तिर्थ नारायण मंडलको रहेको छ ।

घटना तिलाठी कोइलाडी गाउँपालिका- ७ स्थित बुढिया इनार नजिक विहीबार राति भएको ग्याङ फाइटसगं सम्बन्धित रहेको छ । ग्याङ फाइट बाट गमभिर घाइते भएका अर्को एक जना हनुमाननगर कंकालिनी नगरपालिका- १० इनर्वा बस्ने अजय मण्डलको अहिले छिन्नमस्ता अस्पताल राजविराजमा उपचार भइरहेको छ ।

युवतीसँगको प्रेम सम्बन्धको कारण मण्डलको हत्या भएको हुनसक्ने स्थानीय हरूले आशंका गरेको छ ।

यता सप्तरीका प्रहरी उपरीक्षक नरेन्द्र कुमार कार्कीले भने, ‘शवको प्रकृति हेरेर हत्या जस्तै देखिन्छ, टोली पुगेछ, अनुसन्धान भइरहेको छ ।’