स्वास्थकर्मिलाई यौन तथा प्रजनन स्वास्थ सम्बन्धी ५ दिने तालिम सुरू

जनकपुरधाम । यौन तथा प्रजनन स्वास्थ आबश्यकतालाई पूरा गर्न किसोरकिसोरी यौन तथा प्रजनन स्वास्थ सम्बन्धी ५ दिने तालिमको आयोजना गरिएको छ ।

शुक्रवार देखि मधेश प्रदेश स्वास्थ तथा जनसंख्या मन्त्रालय द्वारा प्रदेश स्वास्थ तालिम केन्द्र पथलैया बारा को आयोजनमा तथा सेभद चिल्ड्रेन र सबल नेपालको सहयोगमा जनकपुरको प्रादेशिक अस्पतालमा आयोजित स्वास्थकर्मिहरूलाई यौन र प्रजनन स्वास्थ्य तालिममा राज्यद्धारा महिला तथा पुरुष दुवैको यौन र प्रजनन स्वास्थ्य आवश्यकता सम्बन्धमा छलफल गरिएको छ ।

सहभागीहरूले मानव अधिकारका मापदण्ड अनुसार हरेक राज्यले हरेक व्यक्तिको यौन र प्रजनन स्वास्थ्य अधिकारको ईज्जत, संरक्षण र पुर्ति गर्नुपर्नेमा जोड दिए ।

हरेक व्यक्तिले आफ्नो स्वास्थ्य सुधार सँग सम्बन्धित कार्यक्रमहरूमा सहभागि हुन पाउने देखि लिएर बच्चा जन्माउने वा नजन्माउने र कहिले जन्माउने र शिशुको जन्म भइसकेपछि शिशुको उचित पालनपोषण कसरी गर्ने, त्यस सम्बन्धि आवश्यक जानकारी र उचित शिक्षा पाउनु पर्ने बताईएको छ ।

साउन १९ गते देखि २३ गते सम्म संचालन गरिने प्रजनन स्वास्थ तालिममा कुनै पनि जोडी वा दम्पतीले आफूले चाहेको परिवार नियोजनका विविध साधन र विधिहरूको निर्वाध छनोट एवं उपयोग गर्न पाउने अधिकार प्रजनन स्वास्थ्यलवारेमा सहजिकरण गरिएको जनस्वास्थ अधिकृत उमेश कुमार यादबले बताए ।

सो अवसरमा स्वास्थ तालिम केन्द्रका संयोजक अनिल कुमार चौधरीले गर्भवती अवस्थामा कम्तीमा चार पटक भु्रणको जाच, कानुनी मापदण्ड अनुसारको गर्भपतन सेवा, वैज्ञानिक प्रसूति सेवा, संक्रमित आमाबाट गर्भमा रहेको शिशुमा एचआईभी सर्न रोक्ने विधि सेवा, मातृशिशु खोप एवं उपचार सेवा, सुत्केरीपछिको स्याहार र उपचार जस्ता सेवाहरूलाई प्रजनन् स्वास्थ्यले समेटिनुपर्ने बताए  ।

तपाईँलाई सधैं आफ्नो यौन स्वास्थ्यको रक्षा गर्ने अधिकार छ । एच.आई.भी. लगायत अन्य यौनजन्य सङ्क्रमणको रोकथाम गर्न कन्डमको प्रयोग, अविवाहित वा विवाहित जुनसुकै अवस्थामा हुनु होस् तपाईँले चाहेको बेला आफूलाई आवश्यक पर्ने स्वास्थ्य सेवा विना हिचकिचावट सजिलैसंग अर्को व्यक्तिको अनुमतिविना नै आवश्यकता अनुसार र आफूले चाहेको परिवार नियोजनका साधन सहित सरसल्लाह लिन पाउनु तपाईँको अधिकार रहेको संयोजक चौधरीले बताए ।

यस्तो सेवाको उपभोगमा चाहे त्यो पुरुष वा स्त्री जुनसुकै जात, लिङ्ग र धर्मसंग सम्बन्धित वा अन्य कुनै होस् सेवा पाउने हकमा लैङ्गिक विभेद नगरी विना भेदभाव सेवा लिन आउनेलाई सेवा दिनु, चाहेको वा छानेको परिवार नियोजनका साधनका बारेमा परामर्श सेवा सहित परिवार नियोजनका साधन प्राप्त गर्न पाउनु सबैको अधिकार रहेको संयोजक चौधरीको भनाई छ ।

उक्त तालिममा सप्तरीको सुरूगां नगरपालिका र खडक नगरपालिकाका स्वास्थकर्मिहरूको सहभागिता रहेको सबल नेपालका फिल्ड अधिकृत अर्चना यादबले जानकारी गराईन ।