तीन दिनदेखि छोरा सम्पर्कविहीन हुँदा चिन्तामा परिवार

राजविराज । राजविराजमा ट्युसन पढ्न गएका एक युवक सम्पर्कविहीन छन् । सप्तरीको राजविराज नगरपालिका -५ बस्ने १८ वर्षीय गृष चन्द्र देव तीन दिनदेखि सम्पर्कविहीन भएका हुन् । 

स्थानीय मिशन कलेजमा कक्षा १२ मा अध्ययनरत गृष मंसिर २७ गते  सवा २ बजेतिर घरबाट ट्युसन जान भनेर हिँडेको र हालसम्म सम्पर्क विहीन रहेको उनका बुवा उपेन्द्र प्रसाद देवले बताएका छन् ।

गृषको खोजीकार्य जिल्ला प्रहरी कार्यालय सप्तरीले गरिरहेको भए पनि उनको खोजीका लागि पहल गरिदिन परिवारले सबैमा आग्रह गरेका छन् ।