१० क्विन्टल लागूऔषध गाँजा सहित ट्रिपर र चालक प्रहरी नियन्त्रणमा

राजविराज । सप्तरीमा ठुलो परिमाणमा अवैध लागूऔषध गाँजा सहित एक जनालाई प्रहरीले पक्राउ गरेको छ ।

विशेष सुराकीको आधारमा खटिएको प्रहरीको टोलीले गए राति पूर्व पश्चिम राजमार्ग अन्तर्गत सप्तरीको खडक नगरपालिका–७ कल्याणपुर चौकमा सवारी चालक चेकजाँच गर्ने कममा को १ ख ५८३१ नम्बरको आईचर (ट्रिपर) मा १० क्विन्टल ६ किलो गाँजा बरामद भएको शनिवार आयोजना गरेको पत्रकार सम्मेलनमा सप्तरीका प्रहरी प्रमुख (एसपी) गजुसिद्धी बज्राचार्यले जानकारी दिए ।

गाँजासँगै सवारी धनी समेत रहेका ट्रिपर चालक धनकुटाको सहिदभुमी गाउँपालिका–४ का ३२ वर्षीय विशेष राई रहेको र उनको साथ बाट एक लाख नगद र दुई थान मोबाइल समेत बरामद भएको प्रहरी उपरीक्षक बज्राचार्यले बताए ।

पक्राउ परेका राईमाथि थप अनुसन्धान गर्दै जाँदा उनले गाँजा बलान नदी हुँदै भारततर्फ लग्ने योजना रहेको प्रारम्भिक अनुसन्धानबाट खुल्न आएको पत्रकार सम्मेलनमा प्रहरी उपरीक्षक बज्राचार्यले बताए ।