भारतीय सर्वोच्च अदालतले भन्यो, ‘नूपुर शर्माको कारण देश अशान्त भयो, उनले पूरै देशसँग माफी माग्नु पर्छ’

भारतको सर्वोच्च अदालतले पैगम्बर मोहम्मदविरुद्धको टिप्पणीलाई लिएर भारतीय जनता पार्टीकी पूर्व प्रवक्ता नूपुर शर्माको कडा आलोचना गरेको छ । नुपुरविरुद्ध अहिलेसम्म कुनै कारबाही नभएकोमा अदालतले कडा आपत्ति जनाएको छ । आक्रोशपूर्ण टिप्पणी गर्दै शर्माको भनाईले देश अशान्त भएको बताउँदै अदालतले नूपुरलाई टिभीमा आएर माफी माग्न पनि निर्देशन दिएको छ ।

सर्वोच्च अदालतमा शुक्रबार नूपुर शर्माको मुद्दामा सुनुवाई चलिरहेको बेला अदालतले नूपुरको भनाइले देश खतरामा परेको र यस बारेमा अदालतलाई सबै थाहा भएको बताएको छ । साथै सर्वोच्चले अहिलेसम्म नूपुरलाई कुनै कारवाही नहुनुप्रति आश्चर्य पनि व्यक्त गरेको छ । भारतको सर्वोच् अदालातका न्यायाधीश सूर्यकान्तले नूपुर खतरामा नभएर उनि आफै देशको सुरक्षाको लागि खतरा बनेको टिप्पणी गर्दै भने, ‘उनी खतरामा छिन् की उनि आफै सुरक्षाका लागि खतरा बनेकी छन् ? उनले जसरी सिंगो देशमा भावना भड्काएकी छन्, देशमा जे भइरहेको छ त्यसको जिम्मेवार उनी एक्लै हुन् ।

नूपुरले टेलिभिजन डिबेटमा आफूले बोलेर शब्दलाई फिर्ता लिँदै माफी मागेको विषयमा समेत ढिला भएको बताएको छ । ‘नूपुर शर्माले माफी माग्न र आफ्नो टिप्पणी फिर्ता लीन धेरै ढिला गरिन ।

सर्वोच्च अदालतले नूपुर शर्माविरुद्ध उजुरी परेपछि दिल्ली प्रहरी उनलाई पक्राउ किन नगरेको भन्दै प्रहरीसँग पनि प्रश्न गरेको छ । नूपुरले दिएको उजुरीको आधारमा एक व्यक्तिलाई पक्राउ गरिएको थियो तर उनिविरुद्ध कयौं उजुरी परेपनि उनलाई अझैसम्म दिल्ली पुलिसले हात पनि लगाएको छैन । सर्वोच्च अदालतले नूपुर शर्मालाई सिङ्गो देशसँग माफी माग्नुपर्ने भनेको छ । न्यायाधिश सूर्यकान्तले भने, ‘उनीलाई कसरी उक्साइयो भन्ने बहस हामीले देखेका छौँ, तर उनले जुन तरिकाले यो सब भनिन् र पछि आफू वकिल भएको भनिन्, त्यो लज्जास्पद छ । उनले सिङ्गो देशसँग माफी माग्नुपर्छ ।

भारतीय सत्तारुढ दल भारतीय जनता पार्टीकी निलम्बित प्रवक्ता नूपुरको बयानले भारतमा धार्मिक सद्भाव खल्बलिएको छ । यसै विषयमा राजस्थानको उदयपुरमा नूपुरको समर्थक भनिने एक टेलरको हत्या समेत भएको छ ।