राजविराज, ६ असोज । सामाजिक क्षेत्रमा काम गर्ने सेभ द सप्तरीले बिहिवार राजबिराजमा आफ्नो २३ औ वार्षिक साधारण सभामा विभिन्न ब्यक्तिहरू सम्मानित भएका छन् ।
सप्तरी कार्य क्षेत्र बनाएर समाजमा रहेको कुरीति, गरिबी, पर्छौटन, अशिक्षा, चेतनाको अभाव आदि जस्ता समस्याहरूलाई क्रमिक रूपमा अन्त्य तथा न्यूनिकरण गर्नका लागि जिल्लाको विभिन्न पालिकाहरूमा कार्य गर्दै आएको छ ।
बि.स २०५६ सालमा स्थापना भई समुदायको विकासमा टेवा पुग्ने उद्देश्यले सेभ द चिल्ड्रेन, युस एड, युनिसेफ, युएनएफपिए, अक्सफाम लगायत दातृ निकायको सहयोगमा समाजलाई चेतना, जवाफदेही बनाउँदै सामाजिक उत्तरदायित्व बहन गर्दै आएको सेभ द सप्तरीका अध्यक्ष ध्रुव प्रसाद देवले बताउनु भयो ।
उक्त अवसरमा तिलाठी कोईलाडी गाउपालिका अध्यक्ष अरुण कुमार मण्डलले विपत र आपतको समयमा सेभ द सप्तरीले गरेको सहयोग र योगदानको बारेमा प्रशंसा गरेका थिए । उनले भने पिछडिएका बर्ग र समुदायको बालबालिकाको स्वास्थ्य, शिक्षामा संस्थाले गरेको योगदानले समुदायको विकासमा ठुलो सहयोग पुगेको बताउनु भयो ।
त्यसैगरी छिन्नमस्ता गाउपालिका अध्यक्ष विद्यानन्द चौधरीले सभे द सप्तरी र सेभ द चिल्ड्रेन ले बालबालिकाहरूको शैक्षिक गुणस्तर सुधार सँगै बालविकास केन्द्रको निर्माणमा र स्वास्थ्य क्षेत्रमा गर्दै सहयोगको प्रशंसा गरेका थिए ।
कार्यक्रममा नेपाल पत्रकार महासंघ सप्तरी अध्यक्ष श्रवण कुमार देवले आधारभुत स्वास्थ्य र शिक्षा कार्यक्रमलाई फराकिलो बनाउँदै सबै पालिकाहरूमा पुर्याउनु पर्नेमा जोड दिए ।
त्यस्तै जिसस उपप्रमुख शम्भु यादव, शिक्षा विकास तथा समन्वय इकाई प्रमुख राजदेव यादव, सेभ द चिल्ड्रेन शिक्षा टेक्निकल म्यानेजर नरमाया थापा, नेपाल पत्रकार महासंघ सप्तरी श्रवण कुमार देव, गैसस महासंघ सप्तरी अध्यक्ष बलदेव मण्डल, सबल नेपाल अध्यक्ष जुना गिरी, बिष्णपुर गाउपालिका शिक्षा संयोजक अर्जुन यादब, राप्राबि कटी प्राधानाध्यापक रामचन्द्र यादब, लगायतले शुभकामना मन्तव्य दिएका थिए भने कार्यक्रमको संचालन सबिर आजम (गुलाव) ले गरेका थिए ।
कार्यक्रममा रामराजा स्वास्थ्य विज्ञान प्रतिष्ठान राजबिराज प्रमुख रंजित कुमार झा, कार्यक्रममा तिलाठीकोईलाडी गाउपालिका स्वास्थ संयोजक शैलेश मिश्र, छिन्मस्ता गाउँपालिकाका स्वास्थ्य शाखा प्रमुख मन्देश्वर चौधरीले कोभिडको संकटमा स्वास्थ्य सामग्रीहरू सहयोग पुर्याएको योगदानको प्रशंसा गरेका थिए ।
उक्त अवसरमा संस्थाका अध्यक्ष ध्रुव प्रसाद देवले सेभद चिल्ड्रेनको सहयोगमा समुनन्ती कार्यक्रम अन्तर्गत मातृ तथा नवजात शिशु, मेरो पहिलो बच्चा, बिधालय स्वास्थ तथा पोषण, बाल विकास, आधारभुत शिक्षा, किसोरकिसोरी, जिविकोपार्जन कार्यक्रमहरू गर्दै आएको बताउनु भयो ।
अध्यक्ष देवले आव ०७८र७९ मा ६ करोड ७ लाख ४२ हजार ८ सय १६ रूपैया खर्च भएको जानकारी गराएका थिए भने सक्रिय परियोजना बालश्रम निवारणका लागि ३७ लाख ९७ हजार ८ सय ३ रूपैयाको आयब्यय सार्वजनिक गरेका थिए। हाल सस्थाले तिलाठीकोईलाडी गाउपालिका, राजबिराज नगरपालिका, छिन्मस्ता गाउपालिका, बिष्णुपुर गाउपालिकामा कार्यक्रम गर्दै आएको सेभद सप्तरीका परियोजना संयोजक सन्तोष यादबले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |