जसपालाई जिताएर विकास र अधिकारको अभियानलाई अगाडि बढाई विकासको लहर ल्याउने प्रतिबद्धता : अध्यक्ष यादब

राजबिराज, २९ कार्तिक । जसपा नेपालका अध्यक्ष तथा सप्तरी निर्वाचन क्षेत्र २ प्रतिनिधि सभाका उम्मेदवार उपेन्द्र यादबले विकास र अधिकारको अभियानलाई अगाडि बढाई जसपालाई जिताएर विकास र अधिकारको लहर ल्याउन जनसमुदाय सँग आग्रह गरेका छन् । 

मंगलबार तिलाठीकोईलाडी गाउपालीका स्थित तोपामा चुनाबी सभालाई सम्बोधन गर्दै सो कुरा बताएको हो । उनले भने देश र जनताको लागि राष्ट्रिय एकता, राष्ट्र निर्माण, शोषित, उत्पीडित, मधेशी जनतालाई मुक्ति दिलाउन एकमात्र पार्टी जसपा रहेकोले जसपा पार्टीलाई जिताउन आमसमुदाय सँग आग्रह गरे ।

यस अगाडि पनि २५/३० बर्ष देखि धेरै सासंद र मन्त्री बने तर यस क्षेत्रमा विकास भएन, जनता जागरुक, र साथ, सद्भाव कारण सप्तरीमा विकासको लहर चलेकोले सप्तरीको विकास लाई निरन्तरण दिन, जनताको अधिकार स्थापित, राजनिति अधिकार र परिवर्तनको लागि जसपा अगाडि रहेको बताए । विगतमा सँगै रहेका तत्कालीन राजपाका नेताहरू ल्याएर शक्ति शाली पार्टी बनाउने एकता गरे, तर १२ दिनको मन्त्री बन्न जसपा पार्टीलाई छोडेर नेकपा एमाले सरकारमा मन्त्री बन्न गए, जुन पार्टीले आफ्नो निर्णय समेत गर्न सक्दैन, क्षमता नभएका देश र जनताको हितमा काम गर्न सक्दैन, आउने चुनाव पछि ३ प्रतिशत थ्रेस होल्ड समेत पार गर्न नसक्ने र  पार्टी आफै समाप्त हुने आरोप लगाए । 

संविधानलाई संसोधन गरेर परिवर्तनलाई अगाडि बढाउ संघिय प्रणालीमा सुधार गरेर अगाडि बढ्न चाहेका छौ, मधेशीको साथ गरिएको भेदभाव, समाजमा सदाका लागी भेदभावलाई उखलेर, समाजमा सबैलाई बराबरको हक, र सबैको संस्कृत, भेषभुषाको मान्यता दिई सबै समुदाय पहिचानको लागी देशको विविधता बिच एकता भई राष्ट्रिय एकता मजबुत बनाउने लक्ष्य रहेको बताए ।

सो कार्यक्रममा मधेश प्रदेश सरकारका अर्थ मन्त्री तथा क्षेत्र २९ क० का उम्मेदवार शैलेन्द्र प्रसाद साहले मंसिर ४ गते हुने चुनाव मधेश हार र जितको प्रतिस्पर्धा रहेकोले सबै जनताले बर्ग, जाती, समुदाय एकजुट भई विकास र अधिकारको कामलाई अगाडि बढाउन छाता छापमा मतदान गर्न मतदाता र जनसमुदाय सँ आग्रह गरेका छन् । 

जसपा कार्यकारिणी समिति सदस्य तथा पूर्व मन्त्री मृगेन्द्र कुमार सिंह यादवले सप्तरीको विकास र अधिकारका लागि जसपा पार्टीलाई जिताउनु पर्नेमा जोड दिए । कार्यक्रममा जसपा पार्टी प्रवक्ता मनिष सुमनले मधेश आन्दोलनका बिरोधीलाई भोट नदिन मतदाता सँग आग्रह गर्दै भने विकास दिने उम्मेदवारलाई जिताउन आग्रह गरे । टिकटक, समाजिक सन्जालमा बिरोध गर्ने बहुरूपीहरू सँग सचेत भएर विकास र अधिकारका लहर र  लडने पार्टीलाई जिताउनु समुदाय सँग गरे । 

नेकपा एमालेरजसपा नेपाल गठबन्धनको संयुक्त चुनावी सभामा जसपा केन्द्रीय सदस्य बेचन मुखिया, राजनिति समिति सदस्य रन्जु ठाकुर, केन्द्रीय सल्लाहाकार मिथिलेश सिँह, राजनिति समिति सदस्य अमरनाथ मण्डल, मधेश प्रदेश सचिव युसफ अली, शैलेन्द्र मोहन झा, नेकपा एमाले प्रदेश समिति सदस्य राजाराम यादब, जसपा सप्तरी अध्यक्ष केदार यादब, नेकपा एमाले उपसचिव अखिलेश झा लगायतले सम्बोधन गरेका थिए । जसपा नेता सत्य नारायण यादब र प्रभाकर सिँहको संयुक्त अध्यक्षता गरेको कार्यक्रममा  जसपा युवा नेता निरज मुक्तीले स्वागत गरेको कार्यक्रममा  मधेश प्रदेश सचिव दिनेश यादबले संचालन गरेका थिए ।