धनुषामा आपसी झगडा हुँदा एक जनाको मृत्यु

धनुषा, १६ मंसिर । धनुषाको मिथिला बिहारी नगरपालिका-४ रमौलमा आपसी झगडा हुँदा एक जनाको मृत्यु भएको छ ।

स्थानीय ५३ वर्षीय प्रभु यादव र ४२ वर्षीय सुरज यादवसँग जग्गाको विषयमा विवाद हुँदा प्रभु यादवको मृत्यु भएको हो ।

कुटपिटबाट गम्भीर घाइते भएका प्रभु यादवको प्रादेशिक अस्पताल जनकपुरमा उपचारका क्रममा  बिहीबार राति मृत्यु भएको छ भने कुटपिटबाट घाइते भएका हरूलाई  प्रादेशिक अस्पताल जनकपुरमा उपचार भइरहेको छ ।

कुटपिटमा संलग्न सोही ठाउँ बस्ने २७ वर्षीय गणेश कुमार यादव सहित ६ जनालाई पक्राउ गरी घटनाबारे थप अनुसन्धान भइरहेको जिल्ला प्रहरी कार्यालय धनुषाले जनाएको छ ।