समाजवादी विद्यार्थी युनियन प्यानल घरदैलोमा व्यस्त

राजबिराज । समाजवादी विद्यार्थी युनियन र अखिल कान्त्रिकारी र लोकतान्त्रिक विद्यार्थी सँघको संयुक्त प्यानलका उम्मेदवारहरू घरदैलो कार्यक्रमलाई तीब्र बनाएको छ । 

समाजवादी विद्यार्थी युनियन संयुक्त प्यानलले राजबिराज सहित बिष्णुपुर गाउपालिकार रूपनी गाउपालिकामा विद्यार्थीहरूको घरघरमा पुगेर क्याम्पसको शैक्षिक अवस्थामा सुधार सँगै विद्यार्थीको हकहितको लागि विभिन्न एजेन्डा लिएर आफ्नो पक्षमा मत तान्न घरदैलो कार्यक्रमा व्यस्त छन् । 

मबिव क्याम्पसको शैक्षिक वातावरण सुधार गर्न र विद्यार्थीहरूको नियमित पठनपाठन सुचारू गर्न स्ववियु सभापति पदमा उम्मेदवारी दिएको रंजित कुमार यादब बताउँछन् । उनले भने विद्यार्थीहरूको हकहित, परीक्षा शाखामा देखिएको बेथिति, क्याम्पसमा विद्यार्थीको फर्म भर्नुको साथै दैनिकी समस्या र वातावरणलाई सहज बनाउन सही नेतृत्वको आवश्यकता रहेको बताए । 

आधिकांश विद्यार्थीहरू नियमित पठपाठन नहुदाँ शैक्षिक वातावरण बिग्रिएकोले सुधार सँगै शिक्षकलाई नियमित कक्षामा पठनपाठन संचालनका लागि सहि नेतृत्व समाजवादी बिधार्थी युनियन संयुक्त प्यानललाई मत दिई बिजय बनाउन स्ववियु कोषाध्यक्ष पदका उम्मेदवार मेनुका साहले मतदाता सँग आग्रह गरेकी छिन । 

त्रिबि भन्दा पनि जेठो मबिव क्याम्पसमा १४ वर्ष पछि स्ववियु चुनाव हुने भएपछि विद्यार्थीहरू उत्साहित बनेको छ । मुलुकमा झण्डै डेढ दशकपछि चैत ५ गते हुन लागेको स्ववियु निर्वाचनले अहिले विद्यार्थीहरू निकै खुशी छन् । स्ववियुको पछिल्लो निर्वाचन २०६५ सालमा भएको थियो । उम्मेदवारी मनोनयन सँगै निर्वाचनको गतिविधि समेत तीब्र बनेको छ । 

यता नेबि सँघ र अनेरास्ववियु बिधार्थी जनमत संघ लगायत सबै विद्यार्थी संघ र संगठनका उम्मेदवार चुनावी प्रचार तथा विद्यार्थीको घर घरमै पुगेर आ–आफ्नो पक्षमा मत तान्न व्यस्त छन् ।  अहिले विद्यार्थीको चुनावलाई दलीय प्रतिष्ठाको विषय बनाएका सबै दलका स्थानीय नेता पनि आ–आफ्नो पक्षका विद्यार्थी सङ्गठनका लागी मत माग्न सकृय देखिन्छन । 

स्ववियु निर्वाचन पश्चात् विद्यार्थीहरूको हकहितको संरक्षण, बौद्धिक र चारित्रिक विकासका लागी कार्यक्रम तर्जूमा कार्यान्वयन, पठनपाठनका लागी उपयुक्त वातावरण, अनुशासन कायम, बौद्धिक, रचनात्मक तथा अतिरिक्त क्रियाकलाप लगायतका गतिविधि उचित ढंगले अघि बढ्ने विद्यार्थीहरू को विश्वास लिएको छ यता समाजवादी बिधार्थी युनियनले स्ववियु निर्वाचनलाई केन्द्रित गरि २६ बुदै शैक्षिक प्रणालीमा सुधार ल्याउन घोषणा पत्र जारी गरेको छ । 

घोषणा पत्रमा कायम रहेको शैक्षिक प्रणालीलाई सुधार गरि बैज्ञानिक संघिय समाजवादी शिक्षा प्रणाली लागू गराउन, बिस २०२८ सालको शिक्षा एेन खारेज गरी नयाँ शिक्षा ऐन निर्माणका लागि दवाव दिने छ । त्यस्तै शैक्षिक माफियाहरूवाट शैक्षिक क्षेत्र मुक्त गर्न दवाव दिन, निशुल्क स्वास्थ, शिक्षा ग्यारेन्टी गर्न, राज्यलाई बाधयकारी बनाउन, शिक्षा क्षेत्रमा देखिएका भष्टाचार अनियमिततालाई निर्मुल पार्ने रहेको छ । 

यसैगरी  बिश्वबिधालयहरूमा अभ्यास गरिदै आएका राजनितिक भागबन्डाको अन्त गरी क्षमता र,योग्यता सहित समाबेशी ठंगवाट सम्बन्धित बिषयका बिज्ञहरूलाई नियुक्त गर्न जस्ता २६ बुदे घोषणा पत्र प्रस्तुत गरेको समाजवादी बिधार्थी युनियनका नेता तारकेश्वर यादबले जानकारी दिए ।