पिएम कप: प्रदेश छनाेटमा सप्तरीका राहुलकाे शतक प्रहार

राजबिराज  । पर्साकाे बिरगंजमा जारी प्रधानमन्त्री कप राष्ट्रिय क्रिकेट प्रतियाेगिता अन्तर्गत मधेश प्रदेश स्तरिय पुरूष सिनियर एकदिवसिय क्रिकेट छनाेट प्रतियाेगितामा सप्तरी कप्तान राहुल मण्डलले शतक प्रहार गरेका छन ।

आईतवार सम्पन्न खेलमा सप्तरीका राहुल मण्डलले कप्तानी पारी खेल्दै प्रतियाेगिताकै पहिलाे शतक प्रहार गर्दै १ सय १४ बनाएका थिए।

बाराले दिएकाे २ सय ३५ रनकाे लक्ष्य पछयाउने क्रममा फस्ट डाउन ब्याटिंग गर्न आएका सप्तरीका कप्तान मण्डलले १ सय ३ बल खेल्दै ११ चाैका र ४ छक्काकाे मदतले १ सय १४ रन जाेडदै सप्तरीलाई जित नजिक पुरयाएका थिए।

सप्तरीले जित पछयाउने क्रममा निर्धारित ३६ अाेभर मा ६ बिकेटकाे क्षतिमा १ सय २२ रनमात्र बनाउन सकेका थिए।

टिमलाई जिताउन अन्तिम सम्म अभिषेक कार्की र राहुल बिक र ले संघर्ष गर्दै ५० रनकाे साझेदारी गर्दै कार्कीले २३ रन र राहुल बिकले अविजित २७ रनकाे पारी खेल्दै जितका लागी १० रन बनाउन वाट चुके ।

अन्तिम अाेभरमा राहुल बिकलाई साथ दिने क्रममा पप्पु कुमार यादब (बि) ले ५ बल खेल्दै १ रन बनाएकाे अबस्थामा बाराका बलर अनिल कुमार साहकाे बलमा बाेल्ड हुन पुगेपछि सप्तरी बिजयी हुनवाट चुके ।

यसैगरी सप्तरीका अाेपनर ब्याटर अमित यादबले २५ रन जाेडे भने नितेश यादबले १९ रन, अर्का अाेपनर ब्याटर राेहन बिकले ५ बल खेल्दै खाता नखाेल्दै भुलावन सहनीकाे बलमा एलबीडब्लुकाे धरापमा परेका थिए ।

टसजितेर बाराले निर्धारित ३६ ओभरमा ९ बिकेटकाे क्षतिमा २ सय ३५ रनकाे याेगफल खडा गरेका थिए ।

जसमा अनिल कुमार साह ८१ रन, अरिनकाे यादब ६३, साहिल पटेल ३६ रन बनाएका थिए ।

बलिंग तर्फ सप्तरीका नितेश यादब (बि) र सकिम आलमले ३/३ बिकेट, राहुल बिक २ र राज बर्मा १ बिकेट लिएका थिए ।

प्रतिउतरमा सप्तरीले ३६ अाेभरमा ६ बिकेट गुमाई २ सय २५ रन मात्र बनाएपछि बारा १० रनले बिजयी भएका थिए।

बलिंग तर्फ बाराका भुलावन सहनीले घातक बलिंग गर्दै सप्तरीका महत्वपुर्ण ३ बिकेट लिएकाे थिए ।

यसैगरी अर्का बलर निखिल सिँह, अरनिकाे यादब र अनिल कुमार साहले १/१ बिकेट हात पारेका थिए ।

खेलकाे प्लेयर अफ दि म्याच बाराका अनिल साह घाेषित भएकाे थियाे ।

यस छनाेट प्रतियाेगितावाट यही २८ गते देखि काठमान्डाैमा हुने प्रधानमन्त्री कप राष्ट्रिय क्रिकेट प्रतियाेगितामा सहभागिताका लागि मधेश प्रदेश टिम चयन गरिने मधेश प्रदेश क्रिकेट सँघका सचिव अायुष श्रेष्ठले जानकारी दिए ।