सप्तरीबाट लागु औषध सहित ३ जना पक्राउ

राजविराज । सप्तरीबाट अवैध लागु औषध सहित तीन जना पक्राउ परेका छन् । सशस्त्र प्रहरी बोर्डर सुरक्षा बेस तिलाठी कोइलाडी गाउँपालिका-५ टिकुलियाबाट सशस्त्र प्रहरी हबल्दार अशोक कुमार यादवको कमान्डमा खटिएको टोलीले गोप्य सूचनाको आधारमा उनीहरूलाई पक्राउ गरेका छन् । 

पक्राउ पर्नेमा सप्तरीको हनुमाननगर कंकालानी नगरपालिका -१ का २४ वर्षीय दिपक कुमार मण्डल, वर्ष १८ का राज कुमार मुखिया र वर्ष २३ का आनन्द मुखिया रहेको सशस्त्र प्रहरी सिमा सुरक्षा गण -६ का एसपी धन बहादुर सिंहले बताए । 

प्रहरीले उनीहरूको साथबाट लागू औषध प्रोमेगाजिन हाईडरोक्लोराईड इन्जेक्सन २४ थान, डाइजापाम इन्जेक्सन २४ थान र लेजिसिक २४ थान नामक लागू औषध फेला पारेको जनाएको छ ।  पक्राउ परेका तीनैजना लाई जिल्ला प्रहरी कार्यालय सप्तरीको जिम्मा लगाएका  छन् ।