चन्दन यादब 
राजबिराज । मधेश प्रदेशकै सबै भन्दा उत्कृष्ट प्रतियोगिता राजबिराज मेयर कप सप्तरी प्रिमियर लिग (एसपिएल) सिजन-६ बैशाख २०८१ मा संचालनका लागि सम्झौता भएको छ ।
आइतबार एक कार्यक्रम बिच राजबिराज नगरपालिका र सप्तरी क्रिकेट संघ बिच प्रतियोगिता गर्न सम्झौता भएको हो ।
यही नयाँ बर्ष २०८१ को अन्तिम हप्ता देखि राजबिराजमा गरिने प्रतियोगिताको सम्झौता पत्र राजबिराज नगरपालिका कावा नगरप्रमुख ईसरत परिवनले सप्तरी क्रिकेट संघका अध्यक्ष आयुष श्रेष्ठलाई पत्र हस्तान्तरण गरेका छन् ।
उक्त अवसरमा नगर प्रमुख परविनले सप्तरी क्रिकेट खेलको विकासका लागि नगरपालिकाले प्रत्येक वर्ष मेयर कप प्रतियोगिताको लागी नगरस्तरीय योजनामा राख्दै आएको बताइन्।
प्रमुख परविनले संसारमा सबै भन्दा बढी खेल्ने खेल भनेको क्रिकेट भएकोले सप्तरी क्रिकेटको विकासको लागि कहिले पछाडि नहट्ने प्रतिबद्धता गरिन ।
कार्यक्रममा प्रमुख प्रशासकीय अधिकृत बिष्णु प्रसाद गुरूगंले विश्वमा नेपाललाई चिनाउन सप्तरीले थुप्रे अन्तराष्ट्रिय, राष्ट्रिय खेलाडी उत्पादन गर्न उर्वर भूमि रहेकोले स्थानीय सरकारले क्रिकेट खेलको विकास गर्न प्राथमिकतामा राख्नु पर्ने बताए ।
नेपालले विश्वमा विगत १० वर्षमा क्रिकेटमा फडको मार्दै आफ्नो पहिचान बनाउँदै गएकोले स्थानीय तहले क्रिकेट लाई संरक्षण गर्नु आवश्यक रहेको बताए ।
सम्झौता कार्यक्रममा बोल्दै सप्तरी क्रिकेट संघका अध्यक्ष आयुष श्रेष्ठले सप्तरी प्रिमियर लिग मेयर कप प्रतियोगिता मधेश प्रदेश कै उत्कृष्ट प्रतियोगिता रहेको बताउँदै मेयर कप नेपाल क्रिकेट संघको वार्षिक कलेन्डरमा समेत रहेकोले प्रतियोगिताको महत्व बढेको बताए ।
उक्त प्रतियोगिता खेलाडी खरिद बिक्री (अक्सन) माध्यमबाट देश भरीकै राष्ट्रिय तथा अन्तराष्ट्रिय खेलाडीहरूको आवेदन मार्फत खरिद बिक्री गरेर उनीहरूको सहभागितामा प्रतियोगिता गरिने बताए ।
उक्त अवसरमा राजबिराज नगरपालिका स्वास्थ्य शाखा संयोजक निरन्जन यादब, शाखा अधिकृत कल्पणा देव, सप्तरी क्रिकेट संघका उपाध्यक्ष निरज सिंह, सचिव चन्दन यादव, कोषाध्यक्ष तुलानाथ माझी, समाजसेवी मोहम्मद फिरोज लगायत सप्तरी क्रिकेट संघका पदाधिकारी, खेलाडीहरूको सहभागिता रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |