साक्षीको विस्फोटक ब्याटिंगले सप्तरी बिजयी

राजबिराज । सप्तरीका राष्ट्रिय क्रिकेट खेलाडी साक्षी यादबको विस्फोटक ब्याटिंगले राजबिराजमा संचालित चार दिवसिय वालिका अन्तर हब क्रिकेट प्रतियोगितामा सप्तरी बिजयी भएका छन । सप्तरीको यो जित सँग फाईनलमा आफनो स्थान सुरक्षित गरेका छ ।

बिहिवार सिरहा र सप्तरी बिच भएको खेलमा साझीले बिष्पोटक ब्याटिंग गर्दै १४ चौकाको मदतले ३५ बलमा ६९ रन जोडेपछि सप्तरीले २ सय ७ रनको विशाल योगफल खडा गरेका थिए ।

निर्धारित २० ओभरमा ३ बिकेट गुमाएर उक्त विशाल योगफल खडा गर्नमा सुष्मिता यादबले ४५ रन बनाउदै अविजित रहेका थिए ।

जवाफमा सिरहाले २० ओभरमा ५ बिकेट गुमाएर १ सय ३१ रन मात्र बनाउन सकेका थिए । जसमा आरती चौधरीले सर्वाधिक ५८ रन, प्रशिदिका खडकाले ३० रन बनाएपनि जित को लागि प्रयाप्त भएन ।

बलिंग तर्फ सप्तरीका साझी यादब ३ बिकेट, दिपा राम, सुष्मिता यादब १/१ बिकेट लिएका थिए । पलेयर अफ दि म्याच सप्तरीका साझी यादब घोषित भएको आयोजक समितिका आशिष गुप्ताले जानकारी दिए । भोली मोरंग र सप्तरी बिच फाईनल खेल हुने जनाईएको छ ।