Memo Khabar 
काठमाडौँ । लोकतान्त्रिक समाजवादी पार्टी नेपाल (लोसपा) का अध्यक्ष महन्थ ठाकुरले शुक्रबार प्रधानमन्त्री केपी शर्मा ओलीलाई भेटेर मधेश प्रदेशसहित सम्पूर्ण मधेशमा बढ्दो खानेपानी र नुहाउँनेपानीको गम्भीर समस्याबारे ध्यानाकर्षण गराएका छन् ।
अध्यक्ष ठाकुरले विरगंज महानगर क्षेत्रमा फैलिएको महामारीका कारण हालसम्म तीन जनाले ज्यान गुमाइसकेको जानकारी दिँदै तत्काल ठोस पहलमार्फत समस्याको समाधान गर्नुपर्ने आवश्यकता औंल्याएका छन् । साथै, उनले थप महामारी फैलिन नदिन सरकारले आपतकालीन प्याकेजमार्फत व्यवस्था गर्नुपर्ने मागसमेत राखेका छन् ।
ठाकुरले प्रधानमन्त्रीलाई समस्याका स्थायी समाधानका लागि दीर्घकालीन योजना निर्माण गर्नुपर्ने र तत्कालीन राहत स्वरूप प्रभावित क्षेत्रमा खानेपानी तथा स्वास्थ्य सेवा उपलब्ध गराउन आग्रह गरेका लोसपा महासचिव विनोदकुमार सिंहले जारी गरेको विज्ञप्तिमा उल्लेख छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |