ओपासना चलचित्र म्यूजिक अवार्डमा बन्दना मैनालीको मैथिली गीत उत्कृष्ट

काठमाडौँ । दोश्रो ओपासना चलचित्र म्यूजिक अवार्ड २०२५मा मैथिली गीत गायनतर्फ गायीका बन्दना मैनाली सम्मानित भएकी छन् । उनले प्रस्तुत गरेको “जाही धरास सीया जनमली, ओतेके हम सन्तान छी” शीर्षकको गीत यस वर्ष उत्कृष्टता पुरस्कारका लागि मनोनयनमा परेको थियो ।

गायिका मैनालीको गीतमा रहेको भावनात्मक अभिव्यक्ति, मधुर आवाज र मैथिली सांगीतिक शैलीलाई आधुनिक ढङ्गले प्रस्तुत गरेको भन्दै निर्णायक मण्डलले विशेष प्रशंसा गरेको थियो । अवार्ड समारोहमा कलाकार, संगीतकर्मी तथा दर्शकबाट पनि गीतले उल्लेखनीय प्रशंसा बटुलेको थियो ।

सम्मान ग्रहण गर्दै मैनालीले मैथिली भाषा–साहित्य र संगीतलाई राष्ट्रिय तथा अन्तर्राष्ट्रिय स्तरमा परिचित गराउन गरेको आफ्नो प्रयासलाई अवार्डले थप ऊर्जा प्रदान गरेको बताइन् ।

ओपासना चलचित्र म्यूजिक अवार्ड २०२५ले यस वर्ष पनि नेपाली तथा विभिन्न क्षेत्रीय भाषाका सर्जक तथा गायक–गायिकाको योगदानलाई सम्मानित गर्दै संगीत क्षेत्रमा नयाँ उत्साह थपेको छ ।