प्रसिद्ध अभिनेता धर्मेन्द्रको ८९ वर्षको उमेरमा निधन, मुम्बईमा अन्तिम संस्कार सम्पन्न

राजविराज । भारतीय सिनेमा जगतका महान् कलाकार धर्मेन्द्रको आज ८९ वर्षको उमेरमा निधन भएको छ । भारतीय फिल्म उद्योगमा आफ्नो अमिट छाप छोडेका धर्मेन्द्रको निधनसँगै मनोरञ्जन क्षेत्रमा शोकको वातावरण फैलिएको छ ।

परिवारका सदस्यहरूको उपस्थितिमा मुम्बईको विले पार्ले शवदाह गृहमा उहाँको अन्तिम संस्कार सम्पन्न गरिएको हो । अन्तिम संस्कारका क्रममा उनका छोराहरू सनी देओल र बॉबी देओल सहित परिवारका अन्य सदस्य तथा बलिउडका धेरै कलाकारहरू उपस्थित थिए ।

धर्मेन्द्रलाई “ही-म्यान अफ बलिउड” भनेर समेत चिनिन्थ्यो । उनले आफ्नो दीर्घ करियरमा शोले, चुपके-चुपके, सीता और गीता, धर्म-वीर जस्ता धेरै सुपरहिट फिल्महरूमा अभिनय गरेका थिए, जसले उनलाई भारतीय चलचित्र इतिहासमा अमर बनायो ।

सोसल मिडियामा प्रशंसकदेखि लिएर कलाकार तथा नेतासम्मले ठूलो संख्यामा श्रद्धाञ्जलि व्यक्त गरिरहेका छन् । धेरैले लेखेका छन् कि धर्मेन्द्रको निधनले भारतीय सिनेमा एक युगै खोसिएको छ ।