सप्तरीमा एमाले नेताहरु चढेको कार दुर्घटना

राजविराज, २९ असार । सप्तरीको जण्डोल-बनौली सडकखण्ड अन्तर्गत अग्नीसाईर कृष्णासवरन गाउँपालिका गाउँपालिका ४ छ्पकीमा शुक्रबार एमाले नेताहरू चढेको कार दुर्घटना भएको छ ।

कंचनपुरबाट राजविराजतर्फ जाँदै गरेको कंचनपुर सहरी खानेपानी तथा सरसफाइ आयोजना सप्तरीको बा-प्र ०१-०२७ च ४६४७ नम्बरको कार दिउँसो साढे १ बजे आफै अनियंत्रित भई दुर्घटना हुँदा एमाले जिल्ला स्तरीय नेताहरु घाईते भएको प्रहरीले जनाएको छ ।

दुर्घटनामा एमाले जिल्ला समिती सदस्य बच्चुलाला चौधरी, भुवन केसि, हरिहर बस्नेत, किरण पन्थी, सुनिता कटुवाल घाईते भएको नेकपा एमाले जिल्ला सदस्य  योगेन्द्र प्रसाद चौधरी जानकारी दिए ।

घाईतेहरुको राजविराज स्थित गजेन्द्रनारायण सिंह अस्पतालमा उपचार भइरहेको तथा उनीहरुको अबस्थामा सामान्य रहेको जिल्ला प्रहरी कार्यालय सप्तरीले जनाएको छ । उनीहरु एमाले जिल्ला कमिटी सप्तरीको पुर्ण बैठकमा सहभागी हुन राजविराज जाँदै थिए ।