निजामती सेवा दिवसको अवसरमा अस्पताल परिसरमा सरसफाई तथा फलफुल वितरण

राजविराज । २० औं निजामती सेवा दिवसको अवसरमा गजेन्द्र नारायण सिह अस्पताल राजविराज परिसरमा सरसफाई तथा बिरामीहरू लाई फलफूल वितरण गरिएको छ ।

“व्यावसायिक र सिर्जनशील प्रशासनः विकास, समृद्धि र सुशासन“ भन्ने नाराका साथ २०औं निजामती सेवा दिवस शुक्रबार अस्पतालका कर्मचारीहरुले अस्पताल परिसरमा सरसफाइ तथा फलफूल वितरण गरेर दिवस मनाइएको हो ।

अस्पताल भित्र रहेका विरामीहरुलाई प्रमुख जिल्ला अधिकारी किरण थापा, अस्पतालका निमित मेसु डा. अबधेश कुमार मिश्र लगायतले बिरामीहरूलाई फलफूल वितरण गरेका हुन ।

कार्यक्रममा बरख गण राजविराजका गणपति प्रमुख सेनानी रमेश पाण्डे, सशस्त्र प्रहरी उपरीक्षक तिर्थराज पौडेल, मनोज देव, सुनिता यादव, मनिषा सिमखडा लगायत अस्पतालका कर्मचारीहरूको उपस्थिति रहेको थिए ।