नवौँ राष्ट्रिय खेलकुदका लागि सप्तरीमा पुरूष सिनियर क्रिकेट टिमको छनोट सुरु 

राजविराज, ०९ भाद्र । राष्ट्रिय खेलकुद परिषदको वार्षिक कार्यक्रम अनुसार सञ्चालन हुने नबौँ राष्ट्रिय खेलकुद २०७९ प्रतियोगिताका लागि जिल्ला क्रिकेट टिमको छनोट प्रक्रिया सुरु गरेको छ ।

यही भदौ २२ गते देखि काठमाण्डौमा हुने राष्ट्रिय पुरूष क्रिकेट प्रतियोगितामा सहभागिताका लागि जिल्ला क्रिकेट टिमको छनोट गर्न लागेको सप्तरी क्रिकेट संघका अध्यक्ष आयुष श्रेष्ठ ले जानकारी दिएका छन ।

सप्तरी क्रिकेट संघको आयोजनामा तथा जिल्ला खेलकुद विकास समिति सप्तरीको समन्वयमा भदौ ९ गते देखि १० गते सम्म छनोट प्रतियोगिता भइरहेको अध्यक्ष श्रेष्ठले बताउनु भयो । उनले भने भदौ २२ गते पुरूष सिनियर राष्ट्रिय क्रिकेट प्रतियोगिता काठमाण्डौमा हुने भएकोले त्यस लाई मध्यनजर गरी छनोट प्रतियोगिता गर्न लागेको हो ।

जिल्ला खेलकुद विकास समितिले भदौ ७ गते सम्म प्रतियोगितामा सहभागिताका लागि जिल्लाका इच्छुक क्रिकेट खेलाडीहरूलाई नाम दर्ता गर्न सूचना जारी गरेका थिए । तोकिएको समय भित्र जिल्लाका राष्ट्रिय/अन्तर्राष्ट्रिय तथा स्थानियस्तर का ६५ जना खेलाडीहरूले आवेदन दर्ता गराएको खेलकुद विकास समितिका कार्यालय प्रमुख दिनेश भुजेल ले जानकारी दिए ।

सोही अनुसार जिल्ला खेलकुद बिकास समिति ले जिल्ला क्रिकेट सँघ लाई सिनियर पुरूष क्रिकेट टिम छनोट गर्न आग्रह गरेको प्रमुख भुजेल बताउनु भयो ।

जिल्ला क्रिकेट टिम छनोटका लागि राजबिराज स्थित पबिमावि खेलमैदानमा आज भदौ ९ गते देखि बिहान ६ बजे देखि १० बजे सम्म र दिउसो २ बजे देखि छनोटका अभ्यास खेल सुरुभएको सप्तरी क्रिकेट सँघ का सदस्य डम्वर नारायण दास ले जानकारी दिए ।