नवौँ राष्ट्रिय खेलकुदका लागि सप्तरीमा पुरूष र महिला सिनियर जिल्ला क्रिकेट टिमको चयन

राजबिराज, १४ भाद्र ।  राष्ट्रिय खेलकुद परिषदको वार्षिक कार्यक्रम अनुसार सञ्चालन हुने नवौँ राष्ट्रिय खेलकुद २०७९ प्रतियोगिताका लागि जिल्ला क्रिकेट टिमको छनोट गरिएको छ ।

सप्तरी क्रिकेट संघ को आयोजना तथा जिल्ला खेलकुद विकास समितिको समन्वयमा भदौ ९ गते देखि १० गते सम्म पबिमाबि खेलमैदान छनोटका लागि प्रतियोगिताको आयोजना गरिएको थियो । उक्त छनोट खेलबाट सिनियर पुरूष तर्फ रोहित सिंहको कप्तानीमा १४ सदस्यीय खेलाडी छनोट गरिएको छ ।

छनोट हुनेमा आशिष झा (उपकप्तान), रोहन बिक (बिकेटकिपर), निरज यादव, राहुल मण्डल, अभिषेक कार्की, अनिल यादब,  प्रशान्त सिँह, अनुज यादब, अजय यादब, अमित यादब, बिकास दास, बिक्रम यादव र गोपाल मण्डल लाई चयन गरिएको छ ।  त्यस्तै वैकल्पिक खेलाडीहरूमा पप्पु यादव, राज वर्मा, धिरज मण्डल र भिम यादब रहेका छन् ।

यही भदौ २२ गते देखि काठमाण्डौमा हुने राष्ट्रिय पुरूष क्रिकेट प्रतियोगितामा सहभागिताका लागि जिल्ला क्रिकेट टिमको छनोट गर्न लागेको सप्तरी क्रिकेट संघका अध्यक्ष आयुष श्रेष्ठले बताउनु भयो।

यसैगरी नितु कुमारी चौधरीको कप्तानीमा १४ सदस्यीय जिल्ला महिला क्रिकेट टिमको चयन गरिएको छ ।  जसमा  उपकप्तान मंजु कुमारी राम, प्रियंका चौधरी,अन्जली कुमारी चौधरी, निरूता कुमारी चौधरी, अन्जु कुमारी चौधरी, रबिना कुमारी चौधरी, संजना कुमारी चौधरी, संतोषी कुमारी चौधरी, प्रिती कुमारी चौधरी,संगिता कुमारी चौधरी,नविता कुमारी चौधरी, सृजना कुमारी चौधरी र भोली कुमारी चौधरीलाई चयन गरिएको खेलाडी छनोट समितिका सदस्य रोशन मण्डलले जानकारी दिए ।