जनमतमा पनि देखियो परिवार वाद, निर्वाचन क्षेत्र नम्बर १ मा दाजु र २ मा भाइको उम्मेदवारी 

राजविराज, २४ असोज । परिवार वाद, नाता वाद र कृपावाद राजनीतिमा चल्दै आइरहेको परिपाटि जनमत पार्टीमा पनि देखिएको छ । आसन निर्वाचनको लागी जनमत पार्टी बाट एकै घरका साखै  दाजुभाइले मनोनयन दर्ता गराएका छन् ।

प्रतिनिधि सभा सदस्य पदमा जनमत पार्टी बाट अध्यक्ष डा. चन्द्रकान्त राउत (सिके राउत)  र उनका दाजु डा. जयकान्त राउतले  प्रतिनिधिसभा सदस्यका लागि उम्मेदवारी दर्ता गराएका हुन् ।

डा. सिके राउत सप्तरी निर्वाचन क्षेत्र नम्बर २ बाट प्रतिनिधिसभा सदस्यका लागि उम्मेदवारी दर्ता गराएका छन् भने,  डा. जयकान्त राउतले सप्तरी निर्वाचन क्षेत्र नम्बर १ बाट प्रतिनिधिसभा सदस्यका लागि उम्मेदवारी दर्ता गराएका हुन् ।

जसरी भारतमा गान्धी र नेपालमा कोइराला परिवारलाई यसअघि परिवारवादमा फसेको आरोप लगाइन्थ्यो, त्यसैगरी त्यो आरोप डा. सिके राउततिर सरेको चर्चा परिचर्चा हुन थालेको छ ।