सप्तरीकाे सिमरामा अनुगमनकर्ता उपर आक्रमण

राजविराज । संयुक्त बजार अनुगमन टोलीले पसल अनुगमन गर्न जाँदा सप्तरीको सिमरामा अनुगमनकर्ताहरु उपर व्यवशायीहरुले आक्रमण गरेका छन् ।

दशैं, तिहारको वेला व्यवशायीहरु प्रयाप्त मात्रामा अखाद्य, अवैध तथा म्याद गुज्रेका सामानहरु विक्रि गरिरहेकोे उपभोक्ताहरुको गुनासोका आधारमा बुधबार सो आक्रमणमा घरेलु तथा साना उद्योग कार्यालय सप्तरीका चालक विरेन्द्र साहबाट गाडीको साँचो खोसी शरिरको टाउको र पेटमा मुक्काले आक्रमण गरेका छन भने अन्य अनुगमनकर्ता सँग अभद्र व्यवहार गरेका छन् ।

चालक साहलाई सिमराका सहयोगी किराना पसलका संचालक शशी राउतले आक्रमण गरेको स्वयं पिडित चालकले प्रजिअ किरण थापा समक्ष बताएका छन् ।

जिल्ला प्रशासन कार्यालय सप्तरीबाट हिडेका अनुगमन टोलीले भारदह कंकालिनी नपाको कंकालिनी मन्दिर परिसरमा रहेको मिठाई पसलहरुमा चेक जाँच गर्दा अत्यधिक मात्रामा अखाद्य रंग प्रयोग गरिएको र अखाद्य आयातित लडु फेला परेकोमा बरामद लडु नष्ट गरी पसलेहरुलाई ५÷५ हजार जरिवाना समेत गरिएको खाद्य निरिक्षक राजिन बुढाथोकीले बताउनु भयो ।

अनुगमनकै क्रममा टोली मन्दिर परिषरबाट निस्केपछि भारदह, बरमिझया, कंचनपुर चौक रुपनगर र सिम्राहा चौकमा प्रायः पसलबन्द रहेको र सिम्राहा चौकमा खुलेका सहयोगी किराना पसलका संचालकले टोलीलाई हेर्दा हत्तार हत्तार पसल बन्द गरी लुकेका थिए ।

सोही क्रममा टोलीले पसल किन बन्द गरेर भागेकोमा शंकालागी पसल खोल्न आग्रह गर्दा नआएपछि स्थानियको सहयोगमा पसल संचालकलाई बोलाई पसल खोलाएको र सामान्य चेकजाँच गर्दा म्याद गुज्रेका मसालाका ५ प्याकेट र कविर छाप खैनी ३ प्याकेट तथा म्याद गुज्रेका पेप्सी ४÷५ सिसी बरामद गरी पसल अगाडी स्थानियको रोहवरमा नष्ट गर्न लाग्दा विवाद चर्केको सप्तरी उद्योग बाणिज्य संघका लेखापालले बताए ।

विवाद चर्किनुमा पसल बन्दगरी कंचनपुर र रुपनगरबाट आएका केही केही व्यवशायीहरुले स्थानिय व्यवशायीहरुलाई उक्साएको नागरिक न्यायीक उपभोक्ता मंच सप्तरीका अध्यक्ष रामकुमार यादवले बताए ।

विवादका क्रममा व्यवशायीहरुले भारतीय नाकाबाट ट्रकका ट्रक अनियमित तथा अवैध सामानहरु प्रशासन तथा प्रहरीले आउन दिने तर हामी साना व्यापारीहरुलाई अनुगमन गरी सामान किन नष्ट गर्ने ? प्रशासन प्रमुखहरु प्रति आक्रोश पोखेका थिए ।

विवादको क्रममा स्थानिय प्रहरीले टोलीका पदाधिकारीहरुलाई स्कटि· गरी भिडबाट निकालेका थिए ।
उक्त घटना पश्चात टोलीका पदाधिकारीहरुले प्रजिअ किरण थापा र एस.पी.लाई घटना बारे सत्य तथ्य जानकारी गराउँदै दोषीलाई कार्यवाहीको मांग गरेका थिए ।
जिल्लामा एकातिर बजार अनुगमन नहुँदा उपभोक्ताहरु अखाद्य र म्याद गुज्रेका सामानहरु खान बाध्य भईरहेका छन भने अर्कोतिर अनुगमन गर्दा म्याद गुज्रेका, अनियमित तथा अवैध सामग्री जफत गरी नष्ट गर्दा आक्रमण गर्ने गरेको छ । अव उपभोक्ताहरु जागृत नभए सम्म अखाद्य तथा गुणस्तहिन सामग्री खानुपर्ने बाध्यता नै हुने देखिन्छ ।
अनुगमन टोलीमा जिल्ला प्रशासन कार्यालय, खाद्य प्रविधि तथा गुण नियंत्रण डिभिजन कार्यालय, घरेलु तथा साना उद्योगका कार्यालय सप्तरी, सप्तरी उद्योग वाणिज्य संघ, राष्ट्रिय उपभोक्ता मंचका प्रमुख तथा प्रतिनिधि लगायत भारदह र कंचनपुरका प्रहरी टोली एवं संचारकर्मीहरुको सहभागिा रहेको थियो ।