राजविराजबाट जाँदै गरेको माइक्रो सुनसरीमा बससँग ठोक्किँदा ३ को मृत्यु, १५ घाइते

राजविराज । पूर्वपश्चिम राजमार्गअन्तर्गत सुनसरीको भोक्राहा नरसिंह गाउँपालिका–३ जमुवामा सोमबार बिहान बस र माइक्रो ठोक्किँदा ३ जनाको मृत्यु भएको छ ।

काकडभिट्टाबाट दिक्तेलतर्फ जाँदै गरेको मे १ ख १७९९ नम्बरको बस र राजविराजबाट जाँदै गरेको प्र २९०१९००१ ज ००४७ नम्बरको माइक्रो विङ्गर एकआपसमा ठोक्किँदा दुर्घटना भएको हो। सुनसरीका प्रहरी प्रवक्ता डिएसपी योगराज खतिवडाका अनुसार ३ जनाको घटनास्थलमै मृत्यु भएको छ भने मृतकको नाम र ठेगाना खुल्न बाँकी छ ।

दुर्घटनामा अन्य १५ भन्दा बढी घाइते भएका छन् । घाइतेलाई उपचारका लागि बिराटनगर पठाइएको जिल्ला प्रहरी कार्यालय सुनसरीले जनाएको छ ।