भूषण सिहं 
राजविराज । बराहक्षेत्र मन्दिरबाट दर्शन गरेर फर्किँदै गरेका सप्तरी बोदेवरसाइन नगरपालिका–४ का २९ वर्षीय जीवन साहको शुक्रबार साझ ढुंगाले लागेर मृत्यु भएको छ ।
प्रहरीका अनुसार साह स १० प ७९२१ नम्बरको मोटरसाइकलमा सहयात्रीसहित दर्शनपछि घर फर्किँदै गर्दा पहाडको भिरबाट अचानक खसेको ढुंगाले टाउकोमा ठोक्किँदा घटनास्थलमै ज्यान गएको हो । मोटरसाइकलको पछाडि सवार खडक नगरपालिका–११ बनौलीका ३० वर्षीय धमेन्द्र कुमार साह भने सकुशल रहेका छन् ।
मृतकको शवलाई पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको इलाका प्रहरी कार्यालय चक्रघट्टीले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |