चन्दन यादब 
राजविराज । आईडियल बचत तथा ऋण सहकारी संस्था लिमिटेडले आफ्नो २६औं वार्षिक साधारण सभा भव्य रूपमा सम्पन्न गरेको छ ।
शनिबार राजविराजमा आयोजित सभामा आर्थिक वर्ष २०८१/०८२ का लागि प्रस्तुत प्रतिवेदनअनुसार संस्थाको कुल सम्पत्ति १ अर्ब ४५ करोड ५४ लाख ७७ हजार रुपैयाँ पुगेको जानकारी दिइएको छ ।
संस्थाका अध्यक्ष गणेश कुमार आशले उक्त आर्थिक वर्षमा संस्थाले १४ करोड ६९ लाख ४५ हजार २८३ रुपैयाँ आम्दानी गर्न सफल भएको बताए ।
उपाध्यक्ष विजयानन्द झाले सहकारीले आफ्ना शेयर सदस्यहरूलाई साढे नौ प्रतिशत लाभांश वितरण गर्ने निर्णय गरेको जानकारी दिए ।
मधेश प्रदेशकै उत्कृष्ट सहकारी संस्थामध्ये एक मानिने आईडियलमा हाल १७ हजार ६८६ जना शेयर सदस्य रहेका छन् ।
संस्थाले आगामी आर्थिक वर्ष २०८२/०८३ का लागि स्वरोजगारमूलक सिप विकास, महिला उद्यमशिलता, सहकारी शिक्षा तथा वित्तीय साक्षरता, नीति–नियम अध्ययन र कर्मचारी क्षमता विकासजस्ता विभिन्न तालिम कार्यक्रमहरू सञ्चालन गर्ने नीति तय गरेको संस्थाका व्यवस्थापक विनोद साफीले जानकारी दिए ।
कार्यक्रममा अध्यक्ष गणेश कुमार आशको अध्यक्षता, सचिव विजयानन्द झा, कोषाध्यक्ष मन्जुदेवी साह, र लेखा सुपरीवेक्षण समितिका संयोजक डम्बर प्रसाद महतोले आ–आफ्ना प्रतिवेदन प्रस्तुत गरेका थिए ।
कार्यक्रमको सञ्चालन राजेश झाले गरेका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |