नवजात शिशु तथा ५ वर्षमुनिका बालबालिकाहरूको स्वास्थ्यमा सुधार र मृत्युदर घटाउनुपर्नेमा जोड

राजबिराज, १ असोज ।  समुदायमा आधारित नवजात शिशु तथा बालरोगको एकीकृत व्यवस्थापन कार्यक्रम अन्तर्गत स्वास्थ्यकर्मीहरूका लागि ६ दिने आधारभुत क्लिनिकल तालिमको सम्मापन कार्यक्रममा सो कुरा बताइएका छन् । 

शुक्रवार स्वास्थ्य कार्यालय सप्तरीको आयोजनामा तथा सबल नेपाल र सेभ द चिल्ड्रेनको सहयोग राजबिराजमा आधारभुत किल्निक तालिमको आयोजना गरिएको कार्यक्रममा बताईएको हो । 

उक्त अवसरमा स्वास्थ्य कार्यालयका प्रमुख दुनियालाल यादवले नवजात शिशु र ५ वर्षमुनिका बालबालिकाहरूको स्वास्थ्यमा सुधार गर्न र बिरामीको मृत्युदर घटाउन तथा बृद्वि विकासमा टेवा पुरयाउनुपर्ने बताए । 

उनले सिप र ज्ञान लाई सही ठाउँमा प्रयोग गरेर स्वास्थ चौकीमा दिएका सेवालाई अभिलेख र प्रतिवेदन बनाई रेकर्ड गरेर राख्न निर्देशन दिएका छन् । 

प्रमुख यादवले नवजात शिशुलाई सुरक्षित गर्नका लागी सफा र सुख्खा गरेर न्यानो बनाई राख्ने, नवजात शिशुको श्वासप्रश्वास नलीलाई सिधा बनाउने, नवजात शिशुको श्वासप्रश्वास नलीलाई सकसन प्रयोग गरेर मुख नाक सफा गर्ने जस्ता उपायहरू अपनाएर नवजात शिशुलाई सुरक्षित गर्नुपर्ने बताए । 

तालिमका प्रशिक्षक जागेश्वर खडगले ५ वर्ष मुनीका बालबालिकाहरूलाई खोप, सरसफाइ, बहुक्षेत्रीय पोषणको बारेमा स्वास्थ्य चौकी र गाँउ घर क्लिनिकमा तालिममा सहजिकरण सिकेका कुराहरूलाई व्यवहारमा उतार्दै सेवा दिने स्वास्थ्यकर्मीहरूलाई आग्रह गरेको छ । 

सबल नेपालका अध्यक्ष जुना गिरीले स्वास्थ्य चौकीलाई स्वस्थ बनाई स्वास्थ्य कार्यालयलाई व्यवस्थापन गरी सहज वातावरण बनाउन स्वास्थ्यकर्मीहरूलाई आग्रह गरेकी छिन । 

सेभ द चिल्ड्रेनका स्वास्थ्य संयोजक देवकृष्ण भगतले नवजात शिशु र ५ वर्षमुनिका बालबालिकाहरूको स्वास्थमा सुधार गर्न र बिरामी र मृत्युदर घटाउन तथा बृद्वि बिकासमा टेवा पुर्याउने लक्ष्य रहेको बताउनु भयो । 

सप्तरीका खडक नगरपालिका र सुरुंगा नगरपालिकाका २४ जना स्वास्थ्यकर्मीहरूको सहभागिता रहेको थियो भने कार्यक्रममा स्वास्थ्य कार्यालयका अम्बिका ओली, जागेश्वर खडगाले सहजिकरण गरेका थिए ।