गजेन्द्र नारायण सिंह अस्पताल : जीर्ण भवनमा बिरामी उपचार गराउँदै

राजबिराज । राजबिराज स्थित गजेन्द्र नारायण सिंह अस्पतालको महिला वाडको जीर्ण भवनमा बिरामीहरूले जोखिमपूर्ण उपचार गराइरहेको छ ।

मधेश प्रदेश सभा सदस्य किरण कुमारी साहले गजेन्द्र नारायण सिंह अस्पतालका बिरामीहरू सँग उपचार बारेमा जानकारी लिने क्रममा सो देखिएको हो ।

बिहीवार प्रदेश सभा सदस्य साहले गजेन्द्र नारायण सिंह अस्पतालमा बिरामीहरूको चाप बढ्दै गएपछि बिरामीहरूले विभिन्न समस्याहरू खेप्नु परेको गुनासो गरेको छ भने जीर्ण भवनमा बिरामीहरू उपचार कराईरहेको छ । बिरामीहरूले फोन गरेर विभिन्न समस्या बारेमा जानकारी गराएपछि अस्पतालको स्थलगत निरीक्षण सँगै बिरामीहरूको गुनासो बारे जानकारी लिएकी छिन ।

सो क्रममा बिरामीहरूले अस्पतालमा सरसफाइ, शौचालयको उचित व्यवस्थापन, बेडमा ओछ्‌यान नभएको, निशुल्क औषधी बितरण लगायतको समस्याहरू बारेमा जानकारी गराईएको छ । बिरामीहरूले सासंद साहलाई महिला वाडको भवन जीर्ण रहेको र कुनै बेला पनि भत्किन सक्ने खतरा रहेकोले जिर्णोद्धारको लागि पहल गर्दिन आग्रह गरेको छ । 

बिरामीहरूको समस्याहरूलाई समाधान गर्न अस्पतालका मेडिकल सुपरिटेन्डेन्ट डा. प्रकाश साहलाई बोलाएर जानकारी गराएका थिए । मेसु साहले बिरामीहरूले जानकारी गराएका समस्याहरू तत्काल समाधान गर्न निर्देशन दिएको छ ।